دبئی ( نئی تازہ مانیٹرنگ ) متحدہ عرب امارات کی ایک رہائشی عمارت میں آتشزدگی سے 16 افراد ہلاک اور 10 زخمی ہوگئے۔
پولیس کے مطابق ڈیرہ دبئی کے علاقے الرس کی رہائشی عمارت میں آگ بھڑک اٹھی۔ جس کے نتیجے میں 25 سے زائد افراد جھلس گئے جن میں سے تین پاکستانیوں سمیت 16 افراد کی موت واقع ہوگئی ، جاں بحق پاکستانیوں کا تعلق ایک ہی خاندان سے بتایا گیا ہے۔بعض زخمیوں کی حالت تشویشناک ہے۔
میڈیا رپورٹ کے مطابق عمارت میں آگ سے بچاؤ اور حفاظتی راستوں کا مناسب نظام موجودنہیں تھا۔
پولیس نے آگ لگنے کی وجوہات جاننے کے لئے تفتیش کا آغاز کر دیا ہے۔
