اسلام آباد ( نئی تازہ رپورٹ) اسپیکر قومی اسمبلی راجا پرویز اشرف نے 26 اپریل کے اجلاس کا شیڈول تبدیل کرتے ہوئے آج جمعہ 14 اپریل کی شام اسمبلی کا ہنگامی اجلاس طلب کر لیا۔
اجلاس میں شرکت کےلیے آصف زرداری اور وزیر خارجہ بلاول بھٹو زرداری سمیت حکمران اتحاد کے متعدد رہنما پارلیمنٹ ہاؤس پہنچ گئے ہیں۔
قومی اسمبلی کا ہنگامی اجلاس شام 5 بجے پارلیمنٹ ہائوس میں ہو گا۔
واضح رہے کہ چیف جسٹس کے اختیارات سے متعلق پارلیمنٹ سے منظورکردہ سپریم کورٹ پریکٹس اینڈ پروسیجر بل کو سپریم کورٹ میں چیلنج کیا گیا تھا،جس پرسپریم کورٹ کے 8 رکنی بینچ نے عملدرآمد روکنے کا حکم دیا ہے۔
ذرائع کے مطابق اسمبلی اجلاس میں اہم نوعیت کے فیصلے متوقع ہیں۔
