لا ہور(نئی تا زہ رپو رٹ ): پاکستان کی مقبول اداکارہ حنا الطاف نے اپنے شوہر آغا علی کے ساتھ فلم میں کام کرنے کی خواہش کا اظہار کردیا
ایک حالیہ انٹرویو میں ٹی وی ہوسٹنگ سے اپنے کیریئر کا آغاز کرنے والی اداکارہ نے متعدد امور پر اپنے خیالات کا اظہار کیا۔
حنا الطاف نے پاکستانی ڈراموں میں دکائے جانے والے خواتین کے کرداروں پر اعتراضات کے بارے میں کہا کہ یہ دیکھنے والوں پر منحصر ہے، جس دن لوگ ایسے ڈرامے دیکھنا چھوڑ دیں گے ان ڈراموں کو اشتہار ملنا بند ہو جائیں گے۔ اور پھر پروڈیوسر ایسے ڈرامے بنانا بند کر دیں گے۔ ان ڈراموں کے ناظرین کی ایک بڑی تعداد ہے، اس لیے وہ صرف ریٹنگ میٹرز پر انحصار نہیں کرتے۔
جب حنا سے مستقبل کے فلمی منصوبوں کے بارے میں پوچھا گیا تو انہوں نے انکشاف کیا کہ وہ اپنے شوہر کے ساتھ کام کرنے کو ترجیح دیں گی۔
