لاہور( نئی تازہ رپورٹ) پاکستان مسلم لیگ ن کی چیف آرگنائزر مریم نوازعمرہ ادائیگی کے لیے سعودی عرب روانہ ہوگئیں۔
وزیر اعظم سمیت شریف فیملی کے افراد سعودی عرب میں شاہی قیادت سے ملاقاتیں بھی کریں گے، وزیراعظم شہباز شریف کی فیملی پہلے سے ہی جدہ میں موجو دہےامکان ہے کہ وزیراعظم بھی 26 رمضان کو سعودی عرب پہنچ جائیں گے ۔
ذرائع کے مطابق سابق وزیر اعظم نواز شریف بدھ کو لندن سے جدہ پہنچیں گے ، بتایا گیا ہے کہ نوازشریف اور مریم نواز سعودی عرب میں شاہی خاندان کےخصوصی مہمان ہوں گے۔
میڈیا رپورٹ کے مطابق مریم نواز کے ہمراہ ان کی دونوں بیٹیاں ماہ نور اور مہر النساء، شوہرکیپٹن ( ر) محمد صفدر،بیٹا جنید اوربہوعائشہ سیف بھی ہیں۔
ڈاکٹرعدنان،چوہدری منیر، راحیل منیر،شیخ آصف اور مرزا جاوید بھی مریم نواز کے ہمراہ سعودی عرب گئےہیں۔
