اسلام آباد ( نئی تازہ رپورٹ)سپریم جوڈیشل کونسل میں چیف جسٹس آف پاکستان جسٹس عمر عطا بندیال سمیت سپریم کورٹ کے چار ججز کیخلاف شکایت دائر کر دی گئی۔
سپریم جوڈیشل کونسل میں چیف جسٹس عمر عطا بندیال، جسٹس منیب اختر، جسٹس اعجازالاحسن اور جسٹس مظاہر علی اکبر نقوی کے خلاف شکایت سردار سلمان ڈوگر ایڈوکیٹ کی طرف سےدائر کروائی گئی ہے۔ جسٹس مظاہر علی اکبر نقوی کے خلاف اس سے پہلےبھی شکایت دائرہیں۔
شکایت کنندہ سردار سلمان ڈوگر ایڈوکیٹ نے موقف اختیار کیا کہ چیف جسٹس عمرعطا بندیال سمیت چاروں ججز مس کنڈکٹ کے مرتکب ہوئے، چاروں نے آئین کے آرٹیکل 209 کی خلاف ورزی کی۔
شکایت کنندہ کے مطابق غلام محمود ڈوگرکیس اور صوبائی انتخابات کیس میں مذکورہ ججزنے مس کنڈکٹ کیا، چیف جسٹس عمرعطا بندیال سمیت چاروں ججز مس کنڈکٹ کے مرتکب ہوئے اور آرٹیکل 209 کی خلاف ورزی کی،شکایت میں استدعا کی گئی ہے کہ چیف جسٹس سمیت چاروں ججزکو عہدے سے ہٹایا جائے۔
شکایت کی نقول سپریم جوڈیشل کونسل کے دیگر ارکان کو بھی ارسال کی گئی ہیں۔
