کندھ کوٹ ( نئی تازہ رپورٹ) سندھ میں کندھ کوٹ کے کچہ کے علاقہ میں ڈاکوؤں کے خلاف جاری پولیس آپریشن میں ایس ایچ اوعبداللطیف میرانی ڈاکوئوں سے مقابلے میں شہید ہوگئے۔
کندھ کوٹ پولیس نے کچےکے مختلف علاقوں میں جاری آپریشن کے دوران راستے سیل کر رکھے ہیں، ایس ایس پی عرفان سموں کے مطابق کندھ کوٹ آپریشن جاگیرانی گینگ کے خلاف کیا جا رہا ہے، آپریشن کے لئے ضلع بھرکی پولیس طلب کرلی گئی ہے۔
میڈیا رپورٹ کے مطابق ایس ایس پی عرفان سمو ں نے بتایا کہ ڈاکوؤں سے مقابلے میں ایس ایچ او عبداللطیف میرانی ڈاکوئوں شہید جبکہ ڈی ایس پی قلندر بخش سمیت 2 اہلکار زخمی بھی ہوئے جنہیں سکھر منتقل کیا گیا ہے۔
ایس ایس پی عرفان سموں کے مطابق کندھ کوٹ مقابلے کے دوران 10 ڈاکو ہلاک ہونے کی اطلاعات ہیں اور علاقے میں شدید فائرنگ کا سلسلہ جاری ہے۔
