راولپنڈی ( نئی تازہ رپورٹ) پاک ایران سرحد پر دہشتگردوں کے حملے میں 4 سیکیورٹی اہلکار شہید ہو گئے۔ حملہ معمول کی گشت کرنے والی پاکستانی فورسز پر ایرانی جانب سے کیا گیا۔
پاک فوج کے شعبہ تعلقات عامہ آئی ایس پی آر کے مطابق پاکستانی سیکیورٹی فورسز کے اہلکار معمول کے گشت پر تھے کہ دہشتگردوں نے ضلع کیچ میں پاک ایران بارڈر پر جلگئی سیکٹر میں حملہ کیا، حملے کے نتیجہ میں 4 سیکیورٹی اہلکار شہید ہوگئے۔
آئی ایس پی آر کے ہفتہ کو جاری بیان کے مطابق شہید ہونے والوں میں نائیک شیر احمد، لانس نائیک محمد اصغر، سپاہی محمد عرفان اور سپاہی عبدالرشید شامل ہیں۔
بیان کے مطابق دہشتگردوں کے خلاف مؤثر کارروائی کے لیے متعلقہ ایرانی حکام سے رابطہ کیا جا رہا ہے۔
