اسلام آباد ( نئی تازہ رپورٹ) اسلام آباد پولیس نے چیئرمین تحریک انصاف عمران خان کے بھانجے اور فوکل پرسن حسان نیازی کو گرفتار کرلیا۔
اسلام آباد پولیس نے چیئرمین پی ٹی آئی عمران خان کے فوکل پرسن حسان نیازی کو پیر کوجی 11 میں انسداد دہشتگردی کی عدالت کے باہر سے گرفتار کیا۔پی ٹی آئی زرائع کے مطابق حسان نیازی کی ضمانت منظور ہو چکی تھی اس کے باوجود پولیس نے انہیں گرفتار کر لیاا۔
پولیس نے عمران خان کی جوڈیشل کمپلیکس میں پیشی کے دوران ہنگامہ آرائی اور پولیس پر حملوں کے الزام میں پی ٹی آئی رہنماؤں کے خلاف مقدمات درج کئے ہیں۔ ایف آئی آر میں حسان نیازی بھی نامزد ہیں۔
چیئرمین پی ٹی آئی کی ہفتہ کو توشہ خانی کیس میں پیشی کے موقع پر جوڈیشل کمپلیکس کے باہر شدید ہنگامہ آرائی ہوئی جس میں کئی گاڑیاں نذر آتش کردی گئیں جب کہ عدالت کے باہر بھی پی ٹی آئی کارکنان نے توڑ پھوڑکی۔
