لاہور ( نئی تازہ رپورٹ) انتظامیہ نےلاہورکے غیر یقینی حالات کےپیش نظر زمان پارک کے قریبی علاقوں میں تعلیمی اداروں کوبند رکھنےکااعلان کردیا ۔
میڈیا رپورٹس کے مطابق لاہور میں چیئرمین پی ٹی آئی عمران خان کی ممکنہ گرفتاری کےپیش نظرحالات کشیدہ ہیں،گزشتہ روز سےزمان پارک کےباہرپولیس اورپی ٹی آئی کارکنوں کےدرمیان جھڑپیں جاری ہیں.۔
لاہورکےموجودہ حالات کےپیش نظرکمشنرلاہورنےتعلیمی اداروں کوبند کرنےکااعلان کردیا ہے۔کمشنرلاہورمحمدعلی رندھاوا کے مطابق زمان پارک سےملحقہ اسکولز اورکالجز کو بند کرنے کا فیصلہ کیا ہے۔ بیان کے مطابق مال روڈ ، دھرم پورہ ، جیل روڈ کے سکولز بند رہیں گے، اسی طرح گڑھی شاہو ، مغل پورہ اور میاں میر کے سکول و کالجز کو بھی آج بدھ کو بند ر کھا جائے گا ۔ اس بارے میں سیکریٹری اسکولز وہائیرایجوکیشن اور ڈپٹی کمشنرلاہورکو آگاہ کردیا گیا۔
