کراچی ( نئی تازہ رپورٹ) کراچی پولیس آفس پرگذشتہ ماہ کے حملے کا ماسٹر مائنڈ کاؤنٹر ٹیرر ازم ڈیپارٹمنٹ کے ساتھ مقابلے میں ہلاک ہوگیا۔
ذرائع کے مطابق سی ٹی ڈی کی طرف سے منگھو پیر مائی گاڑی مزار کے قریب خفیہ اطلاع پر آپریشن کیا گیا جس میں کراچی پولیس آفس حملے کا ماسٹر مائنڈ اریاد اللّہ ساتھی سمیت ہلاک ہوگیا۔
سرکاری ذرائع کے مطابق فائرنگ کے تبادلے میں کے پی او حملے کے ماسٹر مائنڈ اریاد اللّہ سمیت 2 دہشت گرد ہلاک ہوئے جبکہ 2 کو گرفتار کرلیا گیا۔
یاد رہے کہدہشت گردوں نے 17 فروری کی شب کراچی پولیس ہیڈ آفس پر حملہ کیا تھا جس کے نتیجے میں 2 پولیس اہلکاروں اور رینجرز اہلکار سمیت 4 افراد شہید ہوگئے تھے جبکہ پولیس اور قانون نافذ کرنے والے اداروں کی جوابی کارروائی میں 3 دہشت گرد مارے گئے تھے۔
