کوئٹہ ( نئی تازہ رپورٹ)بلوچستان کے صوبائی دارالحکومت کوئٹہ میں گیس لیکج سےدھماکے کے نتیجے میں 6 افراد جاں بحق ہوگئے۔
مقامی انتظامیہ کے مطابق کوئٹہ کے علاقے سرکی کلاں میں دھماکے سے 6 افراد جاں بحق ہو گئے جن میں 2 خواتین اور 4 بچے شامل ہیں۔ ڈپٹی انسپکٹر جنرل پولیس کوئٹہ غلام اظفر مہیسر نے میڈیا کو بتایا کہ دھماکہ سرکی کلاں کے علاقہ میں مولوی عبدالعزیز کے گھر میں مبینہ طور پر گیس لیکج کے باعث ہوا ،جس کے نتیجے میں 2 خواتین سمیت 6 افراد کے جاں بحق ہونے کی تصدیق ہوئی ہے۔
ڈی آئی جی کے مطابق جاں بحق ہونے والے دیگر افراد 4 سے 9 سال کی عمر کے بچے ہیں ،گھر کے مالک مولوی عبدالعزیز اور ان کے 2 بیٹوں سمیت 4 افراد زخمی بھی ہوئے، لاشوں اور زخمیوں کو سول اسپتال کوئٹہ منتقل کر دیا گیا ہے۔
