لاہور ( نئی تازہ رپورٹ) لاہور ہائیکورٹ نے مسلم لیگ (ن) کی چیف آرگنائزر مریم نواز کے خلاف توہین عدالت کی درخواست خارج کردی۔
مسلم لیگ (ن) کی چیف آرگنائزر مریم نواز کے خلاف توہین عدالت کی کارروائی کےلیے درخواست لاہور ہائیکورٹ میں دائر کی گئی تھی درخواست میں مؤقف اختیار کیا گیا تھا کہ مریم نواز نے سرگودھا میں تقریر کی اور یہ معاملہ اس عدالت کے دائرہ اختیار میں آتا ہے، مریم نواز نے چھ مواقع پر توہین عدالت کی ہے ۔
درخواست گزار کی جانب سے استدعا کی گئی کہ عدالت مریم نواز کو توہین عدالت کا شوکاز نوٹس جاری کرے، عدالت نے دلائل سننے کے بعد فیصلہ محفوظ کر لیا تھا۔ بعد ازاں لاہور ہائیکورٹ کے جسٹس شجاعت علی خان نے درخواست ناقابل سماعت قرار دے کر خارج کردی۔
