گوجرانوالہ ( نئی تازہ رپورٹ ) گھروں میں ڈکیتیوں کے دوران خواتین کو زیادتی کا نشانہ بنانے والے تینوں ڈاکو مبینہ پولیس مقابلے میں ہلاک ہو گئے ۔
تینوں ڈاکوؤں کو گزشتہ روز پولیس نے گرفتار کیا تھا ، پولیس کے مطابق ملزمان کو برآمدگی کیلئے لے جایا جا رہا تھا کہ پانچ نامعلوم افراد نے انہیں پولیس سے چھڑانے کیلئے پولیس موبائل پر فائرنگ کر دی ، پولیس کے مطابق ملزمان اپنے ہی ساتھیوں کی فائرنگ سے مارے گئے ۔
واقعہ تھانہ لدھیوالہ وڑائچ کے علاقے میں پیش آیا، ہلاک ہونے والے ملزمان میں ذیشان ، عامر اور ساجد شامل ہیں۔
پولیس کا کہنا ہے کہ ملزمان گھروں میں ڈکیتیوں کے دوران خواتین سے زیادتی کے کم از کم 5 واقعات میں ملوث تھے، پولیس نے بتایا کہ ملزمان نے اروپ، تتلےعالی اور لدھی والہ وڑائچ میں دوران ڈکیتی خواتین کو زیادتی کا نشانہ بنایا تھا۔ ملزمان نے 26 فروری کو تھانہ اروپ کے علاقے میں ڈکیتی کے دوران ماں بیٹی کو زیادتی کا نشانہ بنایا اور پھر 3 روز بعد ملزمان نے دوبارہ واردات کے دوران پھر خاتون اور اس کی بیٹی کو درندگی کا نشانہ بنایا تھا۔
وزیر اعلیٰ پ اور آئی جی پنجاب نے واقعہ کا نوٹس بھی لیا تھا۔
