اسلام آباد ( نئی تازہ رپورٹ) وفاقی ادارہ شماریات نے ملک کی پہلی ڈیجیٹل مردم شماری کے تحت ’’خودشماری‘‘ کی ڈیڈلائن میں سات روز کی توسیع کردی ہے۔
ترجمان ادارہ شماریات کے مطابق آن لائن اپنا ڈیٹا درج کرنے کی سہولت خود شماری کی ڈیڈ لائن رات 12 بجے ختم ہو رہی تھی لیکن اب تاریخ میں توسیع کردی گئی ہے۔ ترجمان نے بتایا کہ ابتدائی طور پر خود شماری کے لیے 7 دن کی توسیع کی گئی ہے۔
ان کا کہنا تھا کہ خود شماری میں توسیع کا فیصلہ کمیٹی اجلاس میں کیا گیا، خود شماری میں ایک ہفتے سے زائد توسیع کی تجویز بھی زیرغورہے۔ ترجمان کے مطابق خودشماری کرنے والوں کی تعداد بڑھنےکے باعث ویب سائٹ پر لوڈ بڑھ گیا۔
انہوں نے تبایا کہ ابھی تک 80 لاکھ سے زائد افراد نے خود شماری ویب سائٹ کا وزٹ کیا۔ واضع رہے کہ ملک میں خود شماری کا عمل 20 فروری سے شروع ہوا تھا۔
واضح رہے کہ چند روز قبل وزیر اعظم شہباز شریف سے ملاقات میں ایک کیو ایم رہنماؤں کی جانب سے ڈیجیٹل مردم شماری کے حوالے سے آن لائن رجسٹریشن اور اندراج ( خود شماری) کے دنوں میں اضافے کے مطالبے کو تسلیم کیا گیا تھا، ملاقات میں ایم کیو ایم پاکستان نے خانہ شماری میں بھی 10 دن کے اضافے کا مطالبہ کیا تھا۔
