لاہور ( نئی تازہ رپورٹ) چیئرمین پاکستان تحریک انصاف عمران خان نے الیکشن بارے سپریم کورٹ کے فیصلہ کے بعد جیل بھرو تحریک معطل ک کے انتخابی مہم شروع کرنے کا اعلان کردیا۔
اپنے بیان میں عمران خان نے پنجاب اور خیبر پختونخوا میں الیکشن کے حوالے سے سپریم کورٹ کے فیصلے کا خیر مقدم کرتے ہوئےکہا کہ آئین کی پاسداری سپریم کورٹ کی ذمہ داری تھی، سپریم کورٹ نے بہادری سے اپنا کردار نبھایا۔ چیئرمین پی ٹی آئی نےکہا کہ سپریم کورٹ کا آج کا فیصلہ پاکستان میں قانون کی حکمرانی کی توثیق ہے۔عمران خان نے جیل بھرو تحریک معطل کر تے ہوئے پنجاب اور خیبرپختونخوا میں انتخابی مہم شروع کرنےکا اعلان کیا۔
واضح رہے سپریم کورٹ نے پنجاب اور خیبرپختونخوا الیکشن بارے ازخود نوٹس کیس میں فیصلہ سناتے ہوئے دونوں صوبوں میں انتخابات 90 دنوں میں کرانےکا حکم دیا ہے۔
