اسلام آباد ( نئی تازہ نیوز) حکومت نے پیٹرولیم مصنوعات کی قیمتیوں میں کمی کا اعلان کر دیا، پیٹرول پانچ روپے اور لائٹ ڈیزل آئل 12 روپے فی لیٹر سستا ہو گیا۔ وزیر خزانہ اسحاق ڈار کے مطابق یکم سے 15 مارچ 2023 کے لئے پیٹرولیم مصنوعات کی نئی قیمتیں مقرر کی گئی ہیں۔
حکومتی اعلان کے مطابق پیٹرول کی نئی قیمت 5 روپے کمی کے ساتھ 267 روپے فی لیٹر مقرر کر دی گئی ہے۔مٹی کا تیل 15 روپے کمی کے ساتھ 187.73 روپے فی لیٹر،جبکہ لائٹ ڈیزل آئل 12 روپے کمی کے ساتھ، 184.68 روپے فی لیٹرہوگیا ۔ہائی سپیڈ ڈیزل کی قیمت میں ردو بدل نہیں کیا گیا اور اس کی قیمت بغیر کسی تبدیلی کے 280 روپے فی لیٹر برقرار رہے گی۔
