کراچی(نئی تازہ سپورٹس ڈیسک) پاکستان سپر لیگ 8 کے ایک یکطرفہ مقابلے میں اسلام آباد یونائیٹڈ نے پشاور زلمی کو 6 وکٹوں سے شکست دے دی۔جمعرات کو نیشنل اسٹیڈیم کراچی میں کھیلے گئے لیگ کے 12 ویں میچ میں اسلام آباد یونائیٹڈ نے ٹاس جیت کر پشاور زلمی کو بیٹینگ کی دعوت دی، پہلے بیٹنگ کرتے ہوئے پشاور زلمی نے مقررہ 20 اوورز میں8 وکٹوں کے نقصان پر 156رنز بنائے۔
پشاور زلمی کی جانب سے کپتان بابر اعظم 74 رنز بنا کر ناٹ آؤٹ رہے۔وکٹ کیپر بیٹر محمد حارث 40 رنز بنا کر آؤٹ ہوئے۔دسن سہاناکا 11، وہاب ریاض 8، عثمان قادر 7، جیمز نیشم 6، صائم ایوب 3 اور ٹام کوہلر-کیڈمور 1 رن بنا کر آؤٹ ہوئے۔ارشد اقبال 2 رنز بنا کر ناٹ آؤٹ رہے۔اسلام آباد یونائیٹڈ کی جانب سے حسن علی نے 3 جبکہ کپتان شاداب خان ،رمان رئیس، فہیم اشرف اور مبصر خان نے 1،1 وکٹ حاصل کی۔ جواب میں اسلام آباد یونائیٹڈ نے 157 رنز کا مطلوبہ ہدف 4 وکٹوں کے نقصان پر 15 ویں اوور میں حاصل کر لیا۔اسلام آباد کی ٹیم نے 14.5 اوورز میں 159 رنز بنا کر کامیابی سمیٹی۔
اسلام آباد یونائیٹڈ کی جانب سے رحمان اللہ گرباز نے4 چھکوں اور 7 چوکوں کی مدد سے تیز رفتار 62 رنز بنائے۔ ریسی وین ڈر ڈوسین 42 رنز بنا کررن آئوٹ آؤٹ ہوئے۔جبکہ آصف علی 29 اور اعظم خان 9 رنز بنا کر ناٹ آؤٹ رہے۔پشاور زلمی کی جانب سے ارشد اقبال، جیمز نیشم اور عثمان قادر نے ایک ،ایک وکٹ حاصل کی۔
