پشاور( نئی تازہ رپورٹ) پی ڈی ایم کے سربراہ مولانا فضل الرحمان نے کہا ہے کہ صدر عارف علوی نے خود کو بادشاہ سلامت اور تحریک انصاف کا ورکر سمجھ کر آئین کو پاؤں تلے روندا اور اس کی صریحاً خلاف ورزی کی ہے۔
صدر عارف علوی کی جانب سے صوبوں کے انتخاب کیلئے تاریخ دینے کے معاملے پر مولانا فضل الرحمان نے اپنے ردعمل میں کہا کہ کہا کہ عارف علوی نے گورنرز اور الیکشن کمیشن کے اختیارات میں مداخلت کی ہے، یہ واضح مس کنڈکٹ ہے اور الیکشن کمیشن اس کو چیلنج کرے۔
واضح رہے صدر علوی نے الیکشن ایکٹ 2017 ء کے سیکشن 57 ایک کے تحت 9 اپریل کو پنجاب اور خیبر پختونخوا کی صوبائی اسمبلیوں کیلئے انتخابات کا اعلان کیا ہے۔ اس سے قبل الیکشن کمیشن نے صدر کی دعوت پر صوبائی الیکشن کے معاملہ پر مشاورت سے معذرت کر لی تھی۔
