اسلام آباد (نئی تازہ رپورٹ)انسداد دہشتگردی عدالت نے پی ٹی وی اور پارلیمنٹ حملہ کیس سے متعلق عمران خان کےخلاف دو مقدمات سے اے ٹی سی کی دفعات ختم کردیں۔عمران خان کے شریک ملزم نے دہشت گردی کی دفعات خارج کرنے کی درخواست دائر کی تھی جبکہ عمران خان کے وکیل نعیم حیدر پنجوتھہ و انتظار حسین پنجوتھہ ایڈوکیٹ نے درخواست دی تھی۔
انسداد دہشت گردی عدالت کے جج جواد عباس نے درخواست پر فیصلہ سنایا اور دہشت گردی کی دفعات ختم کر کے کیس سیشن کورٹ کو بھجوا دیا ۔ یاد رہے کہ 2014 میں پی ٹی آئی کے دھرنے کے موقع پر پی ٹی وی اور پارلیمنٹ پر حملے کے مقدمات درج کیے گئے تھے، جن میں دہشتگردی کی دفعات بھی شامل تھیں۔
