اسلام آباد (نئی تازہ رپورٹ) جنرل ہیڈ کوارٹرز( جی ایچ کیو) نے الیکشن کے لیے ارمی، رینجرز اور ایف سی کی خدمات فراہم کرنے سے معذرت کرلی۔ذرائع کے مطابق رینجرز اور ایف سی کی پولنگ اسٹیشنوں کے باہر تعیناتی کے حوالے سے وزارت دفاع نے سیکرٹری داخلہ کو خط لکھ کر جی ایچ کیو کے موقف سے آگاہ کیا جس میں بتایا گیا کہ مسلح افواج اور سول آرمڈ فورسز سرحدوں اور اندرونی ملک سکیورٹی میں مصروف ہیں۔
مراسلے میں کہا گیا ہے کہ ملک میں دہشت گردی کے خطرات میں اضافہ ہو رہا ہے، مسلح افواج 27 فروری سے 3 اپریل تک ہونے والی مردم شماری کے عمل میں مصروف ہوں گی، ضمنی اور خیبر پختونخواو پنجاب اسمبلیوں کے الیکشن کے لیے آرمڈ فورسز کی تعیناتی قابل عمل نہیں ہے۔ ذرائع کے مطابق جی ایچ کیو نے مؤقف اختیار کیا کہ قومی اسمبلی کے 64 حلقوں اورصوبوں میں انتخابات کےلیے اہلکاروں کی تعیناتی ممکن نہیں ہے۔ذرائع کے مطابق مراسلے میں کہا گیا کہ صرف راجن پورمیں قومی اسمبلی کے ضمنی انتخاب کےلیے پنجاب رینجرزدوسرے حصارمیں موجود رہے گی۔ الیکشن کمیشن آف پاکستان نے انتخابات کےلیے پاک فوج اوررینجرزکی تعیناتی کی درخواست کی تھی۔
