اسلام آباد( نئی تازہ رپورٹ) پاکستان سے یومیہ پچاس لاکھ ڈالر افغانستان سمگل کئے جانے کا انکشاف ہوا ہے۔عالمی اقتصادیات بارے معتبر برطانوی جریدے بلوم برگ کی رپورٹ میں انکشاف کیا گیا ہے کہ پاکستان سے ڈالر اسمگلنگ طالبان حکومت کی لائف لائن ہے، افغانستان کی یومیہ ضرورت ایک سے ڈیڑھ کروڑ ڈالر ہے جبکہ اقوام متحدہ انسانی حقوق کی بنیاد پر افغانستان کو ہفتہ وار چالیس کروڑ ڈالر فراہم کررہا ہے۔
رپورٹ کے مطابق ڈالر اسمگلرز بھی افغان کرنسی خرید رہے ہیں، اسی وجہ سے افغان کرنسی کی قدر میں 5.6 فیصد اضافہ ہو گیا ہے، دسمبر 2021 میں ایک ڈالر کے 124 افغانی مل رہے تھے، تاہم اب افغانی کی قدر میں نمایاں اضافہ ہوا ہے اور تقریبا 90 افغانی کے بدلے ایک ڈالر مل رہا ہے۔
جریدے کی رپورٹ کے مطابق اس دورانیے میں پاکستانی کرنسی کی قدر 37 فیصد کم ہوگئی ہےاور افغان کرنسی دنیا کی مضبوط کرنسیوں میں شامل ہو گئی ہے۔
