ریاض( نئی تازہ رپورٹ) سعودی عرب نے سیکورٹی خدشات کے باعث افغان دارالحکومت کابل میں اپنا سفارت خانہ بند کردیا ہے جبکہ سفارت کاروں اور ملازمین کو اسلام آباد منتقل کردیا گیا ہے۔
سعودی وزارت خارجہ کی جانب سے جاری بیان میں بتایا گیا ہے کہ کابل میں سعودی سفارتخانے کو داعش کی جانب سے ممکنہ حملے کے خدشے پربند کیا گیا۔بیان کے مطابق کہ سعودی عرب نے کابل کے سفارت خانے کے سفارت کاروں اور ملازمین کو اسلام آباد منتقل کردیا گیا ہے۔افغان میڈیا نے سعودی وزارت خارجہ کے حکام کے حوالے سے کہا ہے کہ داعش کی جانب سے سعودی سفارتخانے کو کار بم سے نشانہ بنانے کی منصوبہ بندی کی جارہی تھی۔
