لاہور( نئی تازہ رپورٹ)سابق وزیرِ اعلیٰ پنجاب چوہدری پرویز الہٰی کے سابق پرنسپل سیکریٹری محمد خان بھٹی کے خلاف تھانہ اینٹی کرپشن میں مقدمہ درج کر لیا گیا ہے۔اینٹی کرپشن حکام کے مطابق محمد خان بھٹی مقدمہ تھانہ اینٹی کرپشن میں رشوت لینے کے الزام میں درج کیا گیا۔ سابق پرنسپل سیکرٹری پر محکمہ ہائی وے کے افسران سے 46 کروڑ روپے سے زائد رشوت لینے کا الزام ہے۔ذرائع کے مطابق اینٹی کرپشن نے محمد خان بھٹی کی گرفتاری کے لیے کارروائی شروع کر دی ہے، ایف آئی آر میں نامزد ایس ڈی او ہائی وے رانا محمد اقبال کو گرفتار کیا جا چکا ہے۔ جبکہ محکمہ ہائی وے کے ایکسیئن دلشاد احمد، کاشف شکور، فتح محمد اور ارشد ندیم کے کردار کا تعین تفتیش میں ہو گا۔
اینٹی کرپشن حکام کا یہ بھی کہنا ہے کہ ایس ڈی او نعیم بٹ، ایکسیئن محمد فریاد اور 2 کنسٹرکشن کمپنیز کے مالکان کے کردار کا تعین بھی دورانِ تفتیش کیا جائے گا۔ایف آئی آر کے متن کے مطابق ایس ڈی او رانا اقبال نے محمد خان بھٹی کو مرضی کی پوسٹنگ کے لیے کروڑوں روپے دیے، جبکہ محکمۂ مواصلات و تعمیرات کے کئی افسران بھی ان کورقوم بطور رشوت ادا کرتے رہے۔
