اسلام آباد ( نئی تازہ رپورٹ)اسلام آباد پولیس پی ٹی آئی رہنما فواد چوہدری کو لے کر اتوار کو لاہور روانہ ہو گئی۔پولیس ذرائع کے مطابق تفتیش میں پیش رفت کے لئے لاہور میں فواد چوہدری کا فوٹو گرامیٹری ٹیسٹ ہو گا۔ جبکہ فارنزک لیبارٹری میں فواد چوہدری کا وائس میچ بھی کرایا جائے گا۔ فواد چوہدری کو ہفتہ کو 2 روزہ جسمانی ریمانڈ پر پولیس کے حوالے کیا گیا تھا۔عدالت نے انہیں پیر کو دوبارہ پیش کرنے کا حکم دیا ہے.
واضح رہے کہ الیکشن کمیشن کو دھمکیاں دینے کے کیس میں جوڈیشل مجسٹریٹ وقاص احمد راجہ نے شام 6 بجے محفوظ فیصلہ سناتے ہوئے فواد چوہدری کا 2 روزہ جسمانی ریمانڈ منظور کیا تھا۔ اس سے قبل پولیس نے ریمانڈ کی درخوست مسترد کئے جانے خلاف سیشن جج کے پاس اپیل دائر کی تھی . پولیس کی اپیل عدالت نے منظور کر لی تھی. اس سے قبل جوڈیشل مجسٹریٹ نے فواد چوہدری کو جوڈیشل ریمانڈ پر جیل بھجوانے کا حکم دیا تھا جس خلاف پولیس نے اپیل دائر کرتے ہوئے کہا کہ تفتیش کے لئے مزید ریمانڈ کی ضرورت ہے.
