اسلام آباد ( نئی تازہ رپورٹ) وزیر خارجہ بلاول بھٹو زرداری دو روزہ سرکاری دورے پر روس روانہ ہوگئے۔ روسی ہم منصب سے دو طرفہ تعلقات سمیت اہم امور پر تبادلہ خیال کریں گے۔
دفتر خارجہ کے مطابق وزیر خارجہ بلاول بھٹو زرداری اپنے روسی ہم منصب سرگئی لا روف کی دعوت پریہ دورہ کر رہے ہيں۔ بلاول بھٹو زرداری اور روسی وزیر خارجہ کی باضابطہ ملاقات طے ہے۔ ملاقات ميں پاک روس تعلقات کی تمام جہتوں پر تبادلہ خیال کیا جائے گا جبکہ باہمی دلچسپی کے علاقائی اور بین الاقوامی امور بھی زیر غور آئیں گے۔
