اسلام آباد ( نئی تازہ مانیٹرنگ) پاکستان پیپلز پارٹی کے رہنمائوں نے آصف زرداری پر عمران خان کے الزامات کو مسترد کرتے ہوئے کہا ہے کہ پاکستان پیپلز پارٹی انتقامی سیاست پر یقین نہیں رکھتی۔
میڈیا سے گفتگو کرتے ہوئے اور وزیراعظم کے مشیر قمر زمان کائرہ نے نے کہا کہ وفاقی حکومت نے کسی ایک سیاستدان کو بھی سیاسی بنیادوں پر گرفتار نہیں کیا۔قمر زمان کائرہ نے عمران خان کے الزامات کو مسترد کرتے ہوئے کہا کہ سیاسی مخالفین کے خلاف عمران خان کے الزامات بے بنیاد ہیں، ملک کو معاشی بحران کا سامنا ہے، اتحادی حکومت عوام کو زیادہ سے زیادہ ریلیف فراہم کرنے کی کوشش کر رہی ہے۔
عمران خان کے بیان پر ردعمل میں پیپلزپارٹی کے رہنما سلیم مانڈوی والا نے کہا ہے کہ عمران خان خود دہشت گردوں کے حامی اور طرفدار رہے ہیں۔ عمران کا آصف زرداری پر الزام قوم کو گمراہ کرنے کی کوشش ہے۔ انہوں نے کہا کہ جھوٹا اورگمراہ کن بیانیہ مردہ سیاست بچانے کی کوشش ہے۔ جھوٹے الزامات سے عمران خان حکومت کو بلیک میل کرنا چاہتے ہیں۔ویڈیو کانفرنس کے دوران عمران خان نے الزام عئد کیا تھا کہ مجھے قتل کرنے کا پلان سی بنا ہے اور آصف زرداری نے ایک دہشتگرد تنظیم کو پیسہ دیا ہے۔
