ممبئی ( نئی تازہ مانیترنگ) نمائش سے قبل تنازعات کا شکار بالی وڈ فلم ’پٹھان‘ نے ریلیز کے پہلے ہی دن 57 کروڑ روپے کما لئے ۔
شاہ رخ خان کی فلم پٹھان بھارت سمیت دنیا بھر میں پہلے روز 8 ہزار سینما اسکرینز پر ریلیز کی گئی تھی۔ فلم کی نمائش کے خلاف انتہاپسند ہندوؤں نے دھمکی دے رکھی تھی۔ تاہم اسے کسی تبدیلی مکے بغیر ریکلیز کر دیا گیا۔فلم کو 25 جنوری کی تاریخ شروع ہوتے ہی رات ایک بجے بھارتی سینماؤں پر دکھایا گیا ۔ اس موقع پر سینماؤں کے باہر لوگوں کی لمبی قطاریں دیکھی گئی تھیں۔ مبصرین ’پٹھان‘ کی ریلیز کے پہلے دن زیادہ سے زیادہ 35 کروڑ روپے کمائی کی توقع کر رہے تھے۔ بھارتی میڈیا کے مطابق فلم پروڈیوس کرنے والی کمپنی ییش راج فلمزنے بتایا ہے کہ فلم نے پہلے ہی دن 57 کروڑ روپےکمالئے، 55 کروڑ روپے فلم کے صرف ہندی ورژن سے کمائے گئے جب کہ دو کروڑ روپے کی کمائی تیلگو اور تامل زبانوں کے ورژنز سے ہوئی۔
پٹھان کو ہندی ، تیلگو اور تامل زبانوں میں ریلیز کیا گیا اور اسے دنیا بھر کی 8 ہزار سینما اسکرینز پر بیک وقت نمائش کے لئے پیش کیا گیا تھا۔
