کراچی ( نئی تازہ رپورٹ) سندھ حکومت نے بیروزگار افراد کیلئےعمر کی حد میں بڑی رعایت کا اعلان کر دیا۔
صوبائی حکومت کی جانب سے سرکاری نوکریوں کیلئےعمرکی بالائی حد میں 15 سال تک رعایت دے دی گئی ہے –
سرکاری نوکری کیلئےعمرکی حد میں پہلے سے دی گئی رعایت 30 جون 2022ء کو ختم ہوگئی تھی – حکومت کی جانب سے نئی رعایت یکم جولائی 2022ء سے 30 جون 2024ء تک کیلئے ہے۔ تاہم اس کا اطلاق پولیس سروس اور پبلک سروس کمیشن کے ذریعے بھرتیوں پر نہیں ہوگا۔ ملک میں بے روزگاری اور سخت معاشی صورتحال کے باعث عوام پہلے ہی تشویش کا شکار تھے جبکہ عمر کی حد گزرجانے پر ہزاروں افراد نوکری حاصل کرنے کے اہل نہیں رہے تھے۔
