لندن (نئی تازہ مانیٹرنگ )سابق وزیراعظم قائد مسلم لیگ ن میاں محمد نواز شریف نے کہاہے کہ ہم پاکستان کو مشکلات سے نکالیں گے، عمران کے 4 سال میں عوام بدحال ہوگئے لندن میں میڈیا سے گفتگو کرتے ہوئے مسلم لیگ ن کے قائد نے کہا کہ پاکستان کے خراب حالات ٹھیک کرنا ہماری ذمہ داری ہے، عمران کے 4 سال میں عوام بدحال ہوچکے،پاکستان کو مشکلات سے نکالیں گے۔ انہوں نے کہا کہ عمران خان کی 4 سالہ حکومت کا موازنہ ہمارے ساتھ نہ کیا جائے۔
مریم نواز کی لندن سے پاکستان واپسی کی تیاریاں شروع
ادھرمسلم لیگ ن کی سینیئر نائب صدر و چیف آرگنائزر مریم نواز کی لندن سے پاکستان واپس آنے کی تیاریاں شروع ہیں ان کی واپسی کی تاریخ کی تصدیق ہوگئی ہے۔نجی ٹی وی نے بتایا کہ فیملی ذرائع نے تصدیق کی ہے کہ مریم نواز 27 جنوری کو لندن سے پاکستان روانہ ہوں گی۔اس سے قبل مسلم لیگ ن کے ذرائع کا کہنا تھاکہ ر مریم نواز 29 جنوری کو لندن سے لاہور پہنچیں گی۔ بتایا گیا ہے کہ 27 جنوری کو خاندان کے چند افراد اورپارٹی کے کچھ کارکن بھی مریم نواز کے ہمراہ پاکستان آئیں گے۔ بتا یا جا رہا ہے کہ مریم نواز پاکستان پہنچ کر سیاسی عمل میں بھرپور حصہ لیں گی، گزشتہ دنوں مریم نوازکو پارٹی کا سینیئر نائب صدر کے علاوہ چیف آرگنائزر کی ذمہ داری بھی سونپی گئی تھی۔وہ گزشتہ دنوں گلے کی سرجری کر کے لئے جنیوا گئی تھیں۔
