پاکستان میں ڈیجیٹل ذرائع سے رقوم کی ادائیگی کا رجحان بڑھ گیا،پاکستانیوں نے مالی سال 2021-22 میں دس ہزار 600 ارب کی آن لائن ٹرانزیکشنز کیں۔ اس حوالے سے پاکستان ٹیلی کمیونیکیشن اتھارٹی پی ٹی اے کی رپورٹ میں بتایا گیا ہے کہ تین سال میں موبائل بینکنگ اکائونٹس میں 148 فیصد اضافہ ہو ا ہے۔رپورٹ کے مطابق تین سال کے دوران موبائل بینکنگ اکائونٹس کی تعداد بڑھ کر آٹھ کروڑ پچاسی لاکھ ہوگئی۔ مالی سال دوہزار اکیس بائیس کے دوران آن لائن بینکنگ میں 32 فیصد اضافہ دیکھا گیا۔ پاکستانیوں کی طرف سے مالی سال 2021-22 میں دس ہزار 600 ارب کی آن لائن ٹرانزیکشنز کی گئیں۔
اسی طرح پاکستان میں ای کامرس ریٹیلرز کی تعداد بھی 76 فیصد بڑھ کر چار ہزار 445 ہوگئی۔ گزشتہ تین سال کے دوران ایپ کے ذریعے موبائل بینکنگ لین دین میں9 کروڑ کا اضافہ ہوا۔پی ٹی اے رپورٹ کے مطابق پاکستان میں 93 فیصد گھرانوں کے پاس ذاتی موبائل فون موجود ہے۔
اسلام آباد : نئی تازہ مانیٹرنگ
