اسلام اآباد ( نئی تازہ رپورٹ) روس کا اعلی سطح کا وفد سستے تیل کی فراہمی بارے مذاکرات کیلئے تین روزہ دورے پر پاکستان پہنچ گیا۔مجموعی طور پر 3ارب ڈالر مالیت کے معاہدے طے پانے کا امکان ہے۔
پاکستان کی جانب سے روس سے خام تیل ، پیٹرولیم مصنوعات اور گیس خریداری کے معاہدوں پر بات چیت کی جائے گی۔
بین الحکومتی کمیشن کا آٹھواں اجلاس بدھ 18 جنوری کو اسلام آباد میں ہوگا، جس میں اہم معاملات طے پائیں گے۔
پاک روس مذاکرات میں فوری 30 فیصد رعایت پر تیل اور سستا ڈیزل خریدنے پر بات ہوگی، مبسرین کے مطابق معاہدے کے بعد امپورٹ بل میں 50 فیصد تک کمی کا امکان ہے۔
روس سے ایل این جی کی طویل مدتی خریداری اور نارتھ ساتھ گیس منصوبے پر بھی بات ہوگی۔ وفود کے درمیان مزاکرات میں پاکستان کی ضرورت کا 50 فیصد پیٹرول روس سے لینے سمیت ادائیگیوں اور شپنگ کا طریقہ کار طے کیا جائیگا۔اس دوران مجموعی طور پر 3ارب ڈالر مالیت کے معاہدے طے پانے کا امکان ہے۔
واضح رہے کہ پاکستانی ریفائنریز روسی خام تیل سے پیٹرولیم مصنوعات کی پیداوار کو پہلے ہی قابل عمل قرار دے چکی ہیں۔ دستیاب اعدادو شمار کے مطابق پاکستان ماہانہ 2 لاکھ ٹن ڈیزل دیگر ممالک سے درآمد کرتا ہے۔ روس سے معاہدے کے بعد امپورٹ بل میں 50 فیصد تک کمی کا امکان ہے۔
