اسلام آباد ( نئی تازہ نیوز)سربراہ مسلم لیگ ق چوہدری شجاعت حسین نے پارٹی کو پی ٹی آئی میں ضم کرنے سے متعلق بیانات کا نوٹس لیتے ہوئے چوہدری پرویزالہیٰ کی پارٹی رکنیت معطل کردی۔
شوکاز نوٹس میں کہا گیا کہ صوبائی صدر پارٹی کو دوسری پارٹی میں ضم نہیں کرسکتا۔ چوہدری پرویزالہیٰ کو 7 دن کے اندر شوکاز نوٹس دینے کا پابند کیا گیا ہے۔
شوکاز نوٹس کا جواب نہ دینے کی صورت میں چوہدری پرویز الہیٰ کے خلاف پارٹی آئین کے تحت کارروائی عمل میں لائی جائے گی۔
گذشتہ روز عمران خان نے چوہدری پرویزالہیٰ کوق لیگ کو تحریک انصاف میں ضم کرنے کی دعوت دی تھی۔
اس حوالے سے پرویزالہیٰ نے کہا تھا کہ عمران خان ق لیگ کو پی ٹی آئی میں ضم کرنے کا کہہ رہے ہیں، مونس الہی بھی یہی چاہتے ہیں اس بارے میں پارٹی اجلاس میں مشاورت کی جائے گی ۔
