ریاض(نئی تازہ مانیٹرنگ)سعودی عرب کے ولی عہد شہزادہ محمد بن سلمان اور پاکستان کے چیف آف آرمی اسٹاف جنرل عاصم منیر کے درمیان ملاقات ہوئی ہے
سعودی میڈیا نے پیر کی صبح اطلاع دی کہ سعودی ولی عہد شہزادہ محمد بن سلمان نے العلا میں پاکستان کے چیف آف آرمی اسٹاف جنرل عاصم منیر کا استقبال کیا۔
سعودی پریس ایجنسی کے مطابق ملاقات میں باہمی دلچسپی کے امور کے علاوہ دو طرفہ تعلقات کو فروغ دینے کے طریقوں پر تبادلہ خیال کیا گیا۔اجلاس میں سعودی عرب اور پاکستان کے اعلی حکام نے شرکت کی۔
یاد رہے کہ پاک فوج کے سربراہ جنرل عاصم منیر ایک ہفتے کے سرکاری بیرونی دورے پر گئے ہوئے ہیں۔ وہ سعودی عرب کے بعد متحدہ عرب امارات کا دورہ کریں گے۔
