لاہور( نیوز ڈیسک) وفاقی تحقیقاتی ادارے (ایف آئی اے) نے پنجاب کی اہم سیاسی شخصیت کی مبینہ تیسری بیوی سائرہ انور کو پیش نہ ہونے پر دوبارہ طلب کرنے کا فیصلہ کیا ہے۔
آمدن سے زائد اثاثوں اور بینک کھاتوں میں کروڑوں روپے کی بھاری رقوم جمع ہونے کی اطلاعات کے بعدایف آئی اے نے سائرہ انور کومنگل 3 جنوری کو پیشی کانوٹس جاری کیا تھا
ذرائع کے مطابق سائرہ انورکے وکیل نے ایف آئی اے میں پیش ہوکر مزید وقت طلب کیا۔وکیل نے بتایا کہ سائرہ انور مصروفیت کی وجہ سے نہیں آسکیں- جس پر انہیں دوبارہ طلب کرنے کا فیصلہ کیا گیا ہے۔ تاہم اب تک طلبی کی نئی تاریخ سامنے نہیں آئی.
ایف آئی اے نے سائرہ انور کے اثاثوں،غیر ملکی دوروں کے دوران قیمتی جیولری کی خریداری اور ان کے نام پر رجسٹرڈ اراضی میں اضافے پر تحقیقات شروع کی ہوئی ہیں۔
پنجاب کی اہم طاقتور سیاسی شخصیت کی مبینہ بیوی
سائرہ انور سے مبینہ طور پر پنجاب کی اہم طاقتور سیاسی شخصیت نے تیسری شادی کررکھی ہے،بعض حلقے سائرہ انور کا موازنہ فرح گوگی سے کر رہے ہیں جو سابق خاتون اول بشریٰ بی بی کی دوست بتائی جاتی ہیں ۔ اب سائرہ انور کو پنجاب کی ایک اور طاقتور اور با اثر خاتون قرار دیا جا رہا ہے ۔جن کے اثاثوں میں غیر معمولی اور تیزی سے اضافہ ہوا
