مسلم لیگ ن نے مریم نواز کو پارٹی کی تنظیم نو کا ٹاسک سونپ دیا،پارٹی کے صدر شہباز شریف نے اس حوالے سے نوٹیفکیشن جاری کردیا ہے۔
نوٹیفیکیشن کے مطابق پارٹی صدر نے مریم نوازشریف کو پاکستان مسلم لیگ ن کی سینئر نائب صدر مقرر کیا ہے۔
نوٹیفیکیشن میں کہا گیا ہے کہ مریم نواز ہر سطح پر مسلم لیگ ن کی تنظیم نو کی ذمہ داریاں سر انجام دیں گی اس مقصد کے لیے انہیں چیف آرگنائزر بھی مقرر کیا گیاہے۔
پارٹی ترجمان مریم اورنگ زیب نے مسلم لیگ کے صدر کی طرف سے جاری کیا گیا نوٹیفکیشن میڈیا سے شیئرکیا ہے۔ادھر مسلم لیگ ن کے سینئر رہنما اور وفاقی وزیر خزانہ اسحاق ڈار نے مریم نوز کو نئی ذمہ داریاں ملنے پر مبارکباد پیش کی ہے او ر ان کے لئے نیک خواہشات کا اظہار کیا ہے۔ ٹوئٹر پر جاری بیان میں انہوں نے کہا کہ صدر مسلم لیگ ن شہباز شریف نے یہ فیصلہ پارٹی قائد نواز شریف کی مشاورت سے کیا ہے-
