اسلام آباد( نئی تازہ نیوز) الیکشن کمیشن آف پاکستان نے پی ٹی آئی کے انٹرا پارٹی انتخابات سے متعلق کیس کی سماعت کے لیے تاریخ مقررکرتے ہوئے نوٹس جاری کر دیے۔
ای سی پی کے مطابق کیس کی سماعت 8 اپریل بروز منگل کو ہوگی، جس کے لیے الیکشن کمیشن نے پاکستان تحریک انصاف، بیرسٹر گوہر اور پارٹی کے چیف الیکشن کمشنر رؤف حسن کو نوٹس جاری کر دیے ہیں۔
میڈیا رپورٹ کے مطابق اکبر ایس بابر سمیت تمام درخواست گزاروں کو بھی نوٹسز موصول ہو چکے ہیں۔
یاد رہے کہ مارچ 2024 سے انٹرا پارٹی الیکشنز کا معاملہ الیکشن کمیشن میں زیر التوا ہے، اور اب تک اس پر 8 سماعتیں ہو چکی ہیں۔
انٹرا پارٹی انتخابات کی منظوری نہ ہونے کے باعث پی ٹی آئی کا انتخابی نشان تاحال معطل ہے۔
