اسلام آباد ( نئی تازہ نیوز) حکومت نے عید سے قبل پیٹرول کی قیمت میں ایک روپیہ فی لیٹر کمی کر دی، جبکہ ڈیزل کی قیمت برقرار رکھی گئی ہے۔
وزارت خزانہ کی جانب سے جاری کردہ نوٹی فکیشن کے مطابق کمی کے بعد پیٹرول کی نئی قیمت 254 روپے 63 پیسے فی لیٹر مقرر کی گئی ہے، جبکہ ہائی اسپیڈ ڈیزل بدستور 258 روپے 64 پیسے فی لیٹردستیاب ہوگا۔
نوٹی فکیشن کے مطابق مٹی کے تیل کی قیمت میں ایک روپیہ 26 پیسے کا اضافہ کر دیا گیا ہے۔ قیمت میں اضافے کے بعد یہ 169 روپے 38 پیسے فی لیٹر میں دستیاب ہوگا، جبکہ اس پر 10 روپے 96 پیسے فی لیٹر پیٹرولیم لیوی برقرار رکھی گئی ہے۔
نئی قیمتوں کا اطلاق 29 مارچ سے ہو گیا۔
یاد رہے کہ 15 مارچ کو حکومت نے پیٹرولیم مصنوعات کی قیمتوں میں کوئی رد و بدل نہیں کیا تھا۔
