اسلام آباد: وفاقی کابینہ کے نئے ارکان کو مختلف وزارتوں کے قلمدان تفویض کر دیے گئے۔
وزیراعظم کی منظوری کے بعد کابینہ ڈویژن نے اس حوالے سے باضابطہ نوٹیفکیشن جاری کر دیا۔
اعلامیے کے مطابق طارق فضل چوہدری کو پارلیمانی امور، علی پرویز کو وزارت پیٹرولیم، اور حنیف عباسی کو وزارت ریلوے کا منصب سونپا گیا ہے۔
خالد مگسی کو سائنس و ٹیکنالوجی، معین وٹو کو آبی وسائل، محمد جنید انور کو میری ٹائم افیئرز، رضا حیات کو وزارت دفاعی پیداوار، اور شزہ فاطمہ خواجہ کو انفارمیشن ٹیکنالوجی اینڈ ٹیلی کمیونیکیشن کی وزارت دی گئی ہے۔
سردار محمد یوسف کو وزارت مذہبی امور و بین المسالک ہم آہنگی، جبکہ رانا مبشر اقبال کو پبلک افیئرز یونٹ اور مصطفیٰ کمال کو نیشنل ہیلتھ سروسز، ریگولیشنز اینڈ کوآرڈینیشن کی وزارت تفویض کی گئی ہے۔ اورنگزیب خان کچھی کو قومی ثقافتی ورثے کا قلمدان دیا گیا ہے۔
مختار احمد ملک وزیر مملکت برائے نیشنل ہیلتھ سروسز، طلال چودھری وزیر مملکت برائے داخلہ و نارکوٹکس کنٹرول، اور وجیہہ قمر وزیر مملکت برائے فیڈرل ایجوکیشن اینڈ پروفیشنل ٹریننگ مقرر کی گئی ہیں۔
ملک رشید احمد خان کو نیشنل فوڈ سیکیورٹی اینڈ ریسرچ، عبدالرحمان کانجو کو پاور اور پبلک افیئرز یونٹ، جبکہ عقیل ملک کو قانون و انصاف کا وزیر مملکت بنایا گیا ہے۔
بلال اظہر کیانی وزیر مملکت برائے ریلوے، کیسو مل کھئیل داس وزیر مملکت برائے مذہبی امور و بین المسالک ہم آہنگی، اور محمد عون ثقلین وزیر مملکت برائے اوورسیز پاکستانیز اینڈ ہیومن ریسورس ڈویلپمنٹ مقرر کیے گئے ہیں۔
علاوہ ازیں سید توقیر حسین شاہ کو وزیراعظم آفس کا مشیر، محمد علی کو نجکاری کا مشیراور پرویز خٹک کو امور داخلہ کا مشیر مقرر کیا گیا ہے۔
ہارون اختر کو وزیراعظم کے معاون خصوصی برائے انڈسٹریز اینڈ پروڈکشن، حذیفہ رحمان کو قومی ورثہ و ثقافت، مبارک زیب کو قبائلی امور اور طلحہ برکی کو سیاسی امور کے لیے معاون خصوصی تعینات کیا گیا ہے۔
