اسلام آباد: وفاقی کابینہ میں شامل ہونے والے مزید 13 وزرا اور 11 وزرائے مملکت نے حلف اٹھالیا۔
ایوان صدر میں نئے وفاقی وزرا کی حلف برداری کی تقریب ہوئی جہاں صدر مملکت آصف علی زرداری نے نئے وفاقی وزرا سے حلف لیا۔ تقریب میں وزیراعظم شہباز شریف اور وفاقی وزرا سمیت متعدد اہم شخصیات شریک تھیں۔
مزید 13 وزرا اور 11 وزرائے مملکت کی شمولیت کے بعد وفاقی کابینہ کی مجموعی تعداد 31 ہوگئی ہے۔
حلف اٹھانے والے وفاقی وزرا میں حنیف عباسی، ڈاکٹر طارق فضل چوہدری، معین وٹو، مصطفیٰ کمال، سردار یوسف، علی پرویز، شزہ فاطمہ، جنید انور، خالد مگسی، پیر عمران شاہ، اورنگزیب کھچی، رانا مبشر، رضا حیات ہراج شامل ہیں۔
حلف اٹھانے والے وزرائے مملکت میں بیرسٹر عقیل ملک، ملک رشید، ارمغان سبحانی، طلال چوہدری، کھیئل داس، رحمان کانجو، بلال کیانی، مختار بھرت، شذرہ منصب، انور چوہدری، وجیہہ قمر شامل ہیں۔
وزیر اعظم کے 3 مشیروں نے بھی عہدے کا حلف اٹھالیا۔ جن میں محمدعلی،توقیر شاہ اور پرویز خٹک شامل ہیں۔
