گوجرانوالہ میں ایمن آباد کے قریب دیوان روڈ پر واقع ایک اسٹیل مل میں خوفناک حادثہ میں چار مزدور جاں بحق ہو گئے ، رپورٹس کے مطابق بھٹی میں انتہائی درجہ حرارت پر پگھلایا جانے والا لوہا بوائلر کے عدم توازن کے باعث مزدوروں پر گر گیا۔ حادثے میں چار مزدور جھلس کر جاں بحق جبکہ تین زخمی ہو گئے۔
ریسکیو حکام کے مطابق جاں بحق ہونے والوں میں وکیل، ندیم، عاطف اور صدام شامل ہیں، جبکہ زخمیوں کو تشویشناک حالت میں اسپتال منتقل کر دیا گیا ہے۔
حادثے کے بعد بھٹی میں آگ بھڑک اٹھی جس پر قابو پا لیا گیا، تاہم کولنگ کا عمل جاری ہے۔ فیکٹری میں حفاظتی انتظامات کا بھی جائزہ لیا جا رہا ہے۔
