سپریم کورٹ میں نئے ججز کی تقرری کے ساتھ ہی ججز کی سینارٹی لسٹ اپڈیٹ کر دی گئی ہے۔ سپریم کورٹ کی آفیشل ویب سائٹ پر نئے تعینات ہونے والے 7 ججز کے ناموں کے ساتھ ساتھ ان کی تفصیلی پروفائلز بھی جاری کر دی گئی ہیں۔
سینارٹی لسٹ کے مطابق چیف جسٹس آف پاکستان کے بعد جسٹس منصور علی شاہ پہلے نمبر پر، جسٹس منیب اختر دوسرے، جسٹس امین الدین خان تیسرے، اور جسٹس جمال مندوخیل چوتھے نمبر پر فائز ہیں۔ جسٹس محمد علی مظہر کا سینارٹی لسٹ میں پانچواں، جسٹس عائشہ ملک کا چھٹا، جسٹس اطہر من اللہ کا ساتواں، اور جسٹس حسن اظہر رضوی کا آٹھواں نمبر ہے۔
اسی طرح جسٹس شاہد وحید نویں، جسٹس مسرت ہلالی دسویں ،نمبر پر ہیں، جسٹس عرفان سعادت کا گیارہواں، جسٹس نعیم اختر افغان کا بارہواں، جسٹس شہزاد ملک کا تیرہواں اور جسٹس عقیل عباسی کا چودہواں نمبر ہے۔
سینارٹی لسٹ میں جسٹس شاہد بلال حسن کا پندرہواں، جسٹس ہاشم کاکڑ کا سولہواں، جسٹس شفیع صدیقی کا سترہواں، جسٹس صلاح الدین پنور کا اٹھارہواں نمبر ہے، جسٹس شکیل احمد کا انیسواں، جسٹس عامر فاروق کا بیسواں، جسٹس اشتیاق ابراہیم کا اکیسواں، جسٹس میاں گل حسن اورنگزیب کا بائیسواں، جسٹس سردار طارق مسعود کا تئیسواں، اور جسٹس مظہر عالم میاں خیل کا چوبیسواں نمبر ہے۔
یہ تازہ ترین اپڈیٹ سپریم کورٹ کی جانب سے ویب سائٹ پر جاری کردہ معلومات کے مطابق ہے۔
