دنیا بھر میں اپنی انٹرنیشنل کامیابیوں کی بدولت مشہور رقاصہ اور گلوکارہ نورا فتیحی اب ایک اور میوزک پروجیکٹ پر کام کر رہی ہیں جس میں گریمی ایوارڈ یافتہ تھیرون بیلی اور معروف پروڈیوسر ٹومی براؤن کے ساتھ ان کی شراکت داری متوقع ہے۔
نورا فتیحی نے اپنے سوشل میڈیا اکاؤنٹ پر ایک پوسٹ شیئر کی جس میں وہ ٹومی براؤن کے ساتھ نظر آ رہی ہیں۔ اس تصویر کے ساتھ کیپشن میں لکھا، “اس طرح باس بیٹھتے ہیں! ہم کچھ بنا رہے ہیں، 2025 میں کچھ زبردست ہونے والا ہے!”
Instagram Post
View this post on Instagram
یہ پوسٹ دیکھ کر مداحوں میں جوش و خروش کی لہر دوڑ گئی ہے کیونکہ یہ ان کے عالمی میوزک کیریئر میں ایک اور اہم سنگ میل ثابت ہو سکتا ہے۔
یاد رہے کہ نورا فتیحی کا پچھلا گانا “اسنیک” عالمی سطح پر کامیاب رہا تھا، جس میں جیسن درولو اور ٹومی براؤن بھی شامل تھے۔ یہ گانا محض 24 گھنٹوں میں سب سے زیادہ دیکھا جانے والا ویڈیو بن گیا تھا اور اسپاٹیفائی گلوبل چارٹس میں ٹاپ 3 میں شامل تھا۔
اس کے علاوہ، نورا نے عالمی سطح کے کئی مشہور فنکاروں جیسے زیک نائٹ، ری وینی اور سی کے (CKay) کے ساتھ بھی کام کیا ہے، جو ان کی گلوبل میوزک کیریئر کی کامیابی کا منہ بولتا ثبوت ہیں۔
ٹومی براؤن، جو اریانا گرانڈے اور جسٹن بیبر جیسے عالمی شہرت یافتہ فنکاروں کے ساتھ کام کر چکے ہیں، نورا کے اس نئے پروجیکٹ میں مزید جدت لا سکتے ہیں۔ جبکہ تھیرون بیلی، جو برونو مارز اور روز (ROSÉ) جیسے عظیم فنکاروں کے لیے ہٹ گانے لکھ چکے ہیں، اس پروجیکٹ کو نئی توانائی فراہم کر سکتے ہیں۔
نورا فتیحی کے اس نئے میوزک پروجیکٹ کی تفصیلات ابھی تک خفیہ ہیں، مگر مداح پہلے ہی اس پروجیکٹ کے لیے بے تاب ہیں، اور یہ امید کی جا رہی ہے کہ یہ ان کا عالمی میوزک اسٹیج پر ایک اور بڑا قدم ثابت ہوگا۔
