پشاور ( نئی تازہ رپورٹ) حکومت خیبر پختونخوا نے رمضان المبارک کے پیش نظر میٹرک اور انٹرمیڈیٹ کے سالانہ امتحانات ملتوی کر دیے۔ نئی تاریخوں کا اعلان کر دیا گیا۔
تفصیلات کے مطابق خیبرپختونخوا کی صوبائی حکومت نے تمام تعلیمی بورڈز کو میٹرک کے امتحانات ملتوی کرنے کی ہدایات جاری کر دی ہیں، یہ امتحانات رمضان کے بعد اپریل میں لینے کا فیسلہ کیا گیا ہے۔
میڈیا رپورٹ کے مطابق صوبے میں میٹرک کے سالانہ امتحانات 5 مارچ 2025 کو شیڈول تھے تاہم اب التوا کے بعد میٹرک کے سالانہ امتحانات 8 اپریل کو شروع ہوں گے۔
چیئرمین پشاور بورڈ نصراللہ خان کے مطابق صوبائی حکومت نے اپریل میں امتحانات کرانے کے احکامات جاری کیے ہیں، جس کے بعد میٹرک کے سالانہ امتحانات 8 اپریل کو لینے کا فیصلہ ہوا ہے۔انہوں نے کہا کہہ تمام تعلیمی بورڈز کے چیئرمین کے اجلاس میں اسی ہفتے نوٹیفکیشن جاری کر دیا جائے گا۔ اس کے علاوہ صوبے میں انٹر کے امتحانات اب 10 اپریل کے بجائے 7 مئی 2025 کو شروع ہوں گے۔
