اسلام آباد( نئی تازہ رپورٹ) پاکستان میں شعبان المعظم 1446 ہجری کا چاند نظر آگیا۔ یکم شعبان کل جمعہ کو ہوگی۔
نجی ٹی وی کے مطابق چئیرمین مرکزی رویت ہلال کمیٹی مولانا سید عبدالخبیر آزاد کے زیر صدارت رویت ہلال کمیٹی کا اجلاس جمعرات (29 رجب 1446ہجری) کو اسلام آباد میں منعقد ہوا جس میں چاند نظر آنے سے متعلق شہادتوں کا جائزہ لیا گیا۔
ملک کے اکثر و بیشتر مقامات پر مطلع صاف جبکہ کچھ علاقوں میں مطلع آبر آلود رہا ۔ کوئٹہ، تھر اور دیگر علاقوں سے چاند نظر آنے کی مصدقہ شہادتیں موصول ہوئیں۔
کمیٹی کے مطابق کل بروز جمعہ کو یکم شعبان المعظم 1446ھ کو ہوگی۔ چیئرمین مرکزی رویت ہلال کمیٹی مولانا عبدالخبیر آزاد نے چاند نظر آنے کا اعلان کیا۔
مرکزی رویت ہلال کمیٹی کے اجلاس میں ترکیہ کے قونصل جنرل نے خصوصی شرکت کی ۔
