حکومت کی جانب سے حال ہی میں لاپتہ افراد کمیشن کے سربراہ مقرر کیے گئے جسٹس (ر) فقیر محمد کھوکھر انتقال کر گئے۔
جسٹس (ر) فقیر محمد کھوکھر سپریم کورٹ آف پاکستان کے علاوہ الیکشن کمیشن آف پاکستان میں بھی ذمہ داریاں سرانجام دیتے رہے۔ سپریم کورٹ سے جاری پریس ریلیز کے مطابق کے مطابق جسٹس (ر) فقیر محمد کھوکھر کی نمازِ جنازہ آج بدھ کو لاہور میں بعد نمازِ عصر دی ایچ اے فیز 8 پارک ویو لاہور کی مسجد میں ادا کی جائے گی۔
یاد رہے کہ گذشتہ ہفتے سپریم کورٹ کے آئینی بینچ میں لاپتہ افراد کے کیس کی سماعت کے دوران ایڈیشنل اٹارنی جنرل نے آگاہ کیا تھا کہ حکومت نے جسٹس ریٹائرڈ جاوید اقبال کی جگہ جسٹس (ر) فقیر محمد کھوکھر کو کمیشن کا نیا سربراہ مقرر کیا ہے۔
جسٹس (ر) فقیر محمد کھوکھرکی عمر 79 برس تھی، ان کا انتقال لاہور میں ہوا۔
