اسلام آباد ( نئی تازہ رپورٹ) برطانیہ میں مقیم نوبیل انعام یافتہ ملالہ یوسف زئی پاکستان پہنچ گئیں۔ اسلام آباد میں آج سے شروع ہونے والی دو روزہ تعلیمی کانفرنس میں شرکت کریں گی۔ پارلیمانی سیکریٹری تعلیم نے ملالہ یوسف زئی کا استقبال کیا۔
میٍڈیا رپورٹ کے مطابق کانفرنس میں ملالہ یوسف زئی خواتین کی تعلیم سے متعلق چینلنجز کے حل کے حوالے سے بات کریں گی۔
اسلام آباد میں ہونے والی تعلیمی کانفرنس میں شرکت کے لیے کرغزستان کی وزیرِ تعلیم بھی پاکستان پہنچ گئی ہیں۔
وفاقی وزیرِ تعلیم ڈاکٹر خالد مقبول صدیقی نے اسلام آباد میں تعلیمی کانفرنس کے حوالے سے بتایا تھا کہ چاروں وزرائے اعلیٰ اور صوبائی وزرائے تعلیم بھی تعلیمی کانفرنس میں شرکت کریں گے۔
وزیرِ تعلیم نے کہا کہ اب خواتین کی تعلیم کا مقصد ایک بہتر گھر، ایک بہتر نسل اور ایک بہتر مستقبل ہے۔
ڈاکٹر خالد مقبول صدیقی نے کے مطابق یہ کانفرنس انٹرنیشنل کانفرنس برائے مسلم خواتین، چیلینجز اور مواقع کے نام سے منعقد کی جارہی ہے ۔
