اسلام آباد : الیکشن کمیشن آف پاکستان نے ووٹرز کے نئے اعداد و شمار جاری کر دیئے ہیں، جن کے مطابق ملک بھر میں مجموعی طور پر 13 کروڑ 22 لاکھ 54 ہزار 310 ووٹ رجسٹرڈ ہیں۔
ای سی پی ECP کے مطابق پنجاب میں 7 کروڑ 53 لاکھ 753 ووٹرز ہیں، جن میں مرد ووٹرز کی تعداد 4 کروڑ 12 لاکھ 4 ہزار 360 اور خواتین کی تعداد 3 کروڑ 51 لاکھ 76 ہزار 393 ہے۔
نئے اعداد و شمار کے مطابق سندھ میں ووٹرز کی مجموعی تعداد 2 کروڑ 77 لاکھ 36 ہزار 414 ہے، جس میں مرد ووٹرز کی تعداد 1 کروڑ 49 لاکھ 90 ہزار 198 اور خواتین کی تعداد 1 کروڑ 27 لاکھ 46 ہزار 216 ہے۔
الیکشن کمیشن کے مطابق خیبر پختونخواہ میں ووٹرز کی مجموعی تعداد 2 کروڑ 25 لاکھ 36 ہزار 455 ہے، جس میں مرد ووٹرز کی تعداد 1 کروڑ 22 لاکھ 60 ہزار 691 اور خواتین کی تعداد 1 کروڑ 27 لاکھ 5 ہزار 764 ہے۔
بلوچستان میں 55 لاکھ 26 ہزار 217 ووٹرز ہیں، جہاں مرد ووٹرز کی تعداد 30 لاکھ 96 ہزار 550 اور خواتین کی تعداد 24 لاکھ 29 ہزار 667 ہے۔
ای سی پی کے مطابق اسلام آباد میں ووٹرز کی تعداد 11 لاکھ 54 ہزار471 ہے، جس میں مرد ووٹرز کی تعداد 6 لاکھ5 ہزار31 اور خواتین کی تعداد 5 لاکھ49 ہزار440 ہے۔
تازہ اعداد و شمار کے مطابق ملک میں مرد ووٹرز کی شرح 53.74 فیصد اور خواتین کی 46.26 فیصد ہے۔
