آسٹریلیا کے خلاف پہلے ون ڈے کرکٹ میچ کیلئے پاکستان کی قومی سلیکشن کمیٹی نے کھلاڑیوں کے ناموں کا اعلان کردیا۔
میلبرن میں پیر 4 نومبر کو ہونے والے سیریز کے پہلے ون ڈے میچ کیلئے بابراعظم، شاہین شاہ آفریدی اور نسیم شاہ ٹیم میں واپس آ گئے ہیں۔
وکٹ کیپر بلے باز محمد رضوان ٹیم کی قیادت کریں گے جبکہ آغا سلمان انکے نائب ہوں گے۔
تین میچز کی سیریز کا پہلا ون ڈے میچ پیر 4 نومبر کو میلبرن میں کھیلا جائے گا۔
پہلے ون ڈے کیلئے پاکستانی ٹیم ان کھلاڑیوں پر مشتمل ہو گی ۔
محمد رضوان (کپتان )، عبداللہ شفیق، صائم ایوب، بابراعظم، کامران غلام، سلمان آغا، عرفان خان، شاہین آفریدی، نسیم شاہ، حارث رؤف ، محمد حسنین۔
میچ پاکستانی وقت کے مطابق صبح 8:30 بجے شروع ہوگا۔
ون ڈے سیریز:
پہلا ون ڈے: 4 نومبر، میلبرن
دوسرا ون ڈے: 8 نومبر، ایڈیلیڈ
تیسرا ون ڈے: 10 نومبر، پرتھ
ٹی ٹوئنٹی سیریز:
دونوں ٹیمیں تین ٹی ٹوئنٹی میچز کی سیریز بھی کھیلیں گی جن کا شیڈول یہ ہے۔
پہلا ٹی ٹوئنٹی: 14 نومبر، برسبین
دوسرا ٹی ٹوئنٹی: 16 نومبر، سڈنی
تیسرا ٹی ٹوئنٹی: 18 نومبر، ہوبارٹ
ٹی ٹوئنٹی میچزپاکستانی وقت کے مطابق دن ایک بجے شروع ہوں گے۔
