لاہور ( نئی تازہ ڈیسک) لاہوربورڈ آف انٹرمیڈیٹ اینڈ سیکنڈری ایجوکیشن سمیت پنجاب بھر کےتعلیمی بورڈز نے میٹرک سپلیمنٹری امتحانات 2024 کے نتائج کا اعلان کر دیا۔
صوبہ پنجاب کےتعلیمی بورڈ میٹرک دوسرے سالانہ امتحانات 2024 کے رزلٹ کا اعلان 30 اکتوبر کو کر دیا ہے۔ ان بورڈز میں لاہور، راولپنڈی، ملتان، ساہیوال، فیصل آباد، سرگودھا، ڈیرہ غازی خان، بہاولپور اورگوجرانوالہ بورڈ آف انٹرمیڈیٹ اینڈ سیکنڈری ایجوکیشن شامل ہیں۔
10 ویں جماعت کے ضمنی امتحانات 2024 میں شرکت کرنے والے طلباء صبح 10 بجے کے بعد اپنا رزلٹ متعلقہ بورڈ کی ویب سائٹ پر چیک کر سکتے ہیں، جبکہ موبائل فون کے ذریعے ایس ایم ایس بھیج کربھی یہ رزلٹ حاصل کیا جا سکتا ہے
طلباء اپنے متعلقہ بورڈز کی آفیشل ویب سائٹ پر جا کرآن لائن نتائج چیک کر سکتے ہیں۔ تمام بورڈ ز نےا پنی ویب سائٹ کے مخصوص پیج پرنتائج جاری کردیئے ہیں ، رول نمبر اور دیگردرکار معلومات درج کر کے رزلٹ دیکھا جا سکتا ہے۔
جن طلبا کو انٹرنیٹ کی سہولت میسر نہ ہووہ موبائل فون سے ایس ایم ایس بھیج کر نتیجہ جان سکتے ہیں۔ ایس ایم ایس بھیج کرپنجاب کے تمام 9 تعلیمی بورڈزکا نتیجہ حاصل کیا جا سکتا ہے۔ تعلیمی بورڈز کے نمبرز درج ذیل ہیں۔
لاہور: 800291
فیصل آباد: 800240
ملتان: 800293
ساہیوال: 800292
راولپنڈی: 800296
سرگودھا: 800290
گوجرانوالہ: 800299
ڈیرہ غازی خان: 800295
بہاولپور: 800298
