لاہور بورڈ آف انٹر میڈیٹ اینڈ سیکنڈری ایجوکیشن کے زیر اہتمام میٹرک کے ضمنی امتحانات عید میلا دالنبی ﷺ (12 ربیع الاول) کی تعطیل کے باعث ملتوی کر کے نیا شیڈول جاری کردیا گیا۔
بورڈ حکام کے مطابق ایجوکیشن، القرآن درس نظامی، جیومیٹریکل اور ٹیکنیکل ڈرائنگ کے پیپرز ملتوی کردیے گئے۔ ترجمان لاہور بورڈ کے مطابق ہسٹری آف پاکستان، ہسٹری آف اسلام، خوراک اور غذا کے پیپرز بھی ملتوی کیے گئے ہیں۔ ترجمان بورڈ کے مطابق 12 ربیع الاول کے روز ہونے والے پیپرز 17 ستمبر کی بجائے اب جمعرات 19 ستمبر کو ہوں گے۔
یہ بھی پڑھیں: حکومت کا عیدمیلادالنبیﷺ کے موقع پرعام تعطیل کا اعلان، نوٹیفکیشن جاری
واضح رہے کہ پنجاب سمیت ملک بھر میں منگل17 ستمبر کو عید میلاد النبیﷺ کے موقع پرعام تعطیل ہوگی، سرکاری دفاتر اور تعلیمی ادارے اس موقع پر بند رہیں گے اس لیے اس روز ہونے والے پیپرز بھی نہیں ہوں گے ۔
